Barth Feuerwehrtechnik: 125 Jahre Ihr Partner im Einsatz

Stellaozeig Kundadienscht


Wer in dr Feuerwehr isch kennt ons: Mir send die wo die Haschbla bauet ond die ELW ond MTW. Dribernaus verkaufed mr älles was mr em Einsatz so benetigt. Mir verkaufet au die grosse Audo ond Loitra vom Rosenbauer. Uff meglichschd bald suchet mir en

KUNDADIENSCHT-MONDÖR (KERLE/MÄDLE)


WAS MUSCHT MACHA

• Du sollscht älles was uff em Feuerwehraudo drenne isch
  reparira kenne.

• Dass des Zeugs net hee goat, sollsch au meglischt darvor
  en Kundedienscht macha.

• Drondernei gugschdt au noch de Tragkraftspritza
  ond andere Bomba ond Loitra.

Du schaffsch bei ons im Flegga, farsch aber au zu onsere Konda
im ganza Ländle.



UFF WAS KANNSCHT HOFFA

• Jeda Dag a anders Geschäft wo dirs net langweilig wird.

• Luschtige Leit ond der Moistr isch net weit weg.

• Gnug Geld, dass es am Sonndich zom Roschtbroda a Viertele langt.


WAS MUSCH KENNA

• Wenn dir jetztet au no a bissle bei de Maschina durschbligsch
  ond en Spass hosch Fehler zum fenda, dann bisch scho faschd
  dr oder die Rechte für ons.

• Dann no wissa was de dusch, nach onsere Kunda gugga
  ond freindlich sai, no wärs kaum zom glauba.

• A bissle gschigt sodsch nadierlich au sei.

Wenn dr ned bei der Feuerwehr bisch, isch des au net schlemm.


JETZT NIX WIA ONS ASCHREIBA

ond deine Onderlaga schicka an bewerbung@barth-112.com


Na, verstanden ?
Wenn nicht geht´s hier zur Version für Nichtschwaben